Zigor Kodeko 195. artikuluari jarraiki, errepidean zauriturik ikusiz gero haiek sorostea betebehar moral bat da handik igarotzen den pertsona ororentzat. Nola jokatu behar duzu? Babestu-abisatu-sorotsi protokoloa aplikatuz).
Babestu
Ingurua seinaleztatu, 100 metrotik ikusten diren hirukiekin. Giltzak kendu, surik ez pizteko. Pertsona beldurti batekin bazaude, keinuak egin ditzala hurbiltzen diren gidariak abisatzeko.
Abisatu 112ra
Ingurua zaintzen duzun bitartean, gertatutakoaren datuak gorde buruan. Deitu 112ra, Europa osorako larrialdi-zenbakira. Jakinarazi istripuaren kokapena, zaurituak, larritasuna eta bestelako xehetasun jakingarriak. Ez eseki, agintzen dizuten arte.
Sorotsi
Kontu handiz ibili. Ez mugitu zaurituak, non eta ez dagoen hiltzeko arriskurik (suagatik edo itota). Hezur-muineko lesioen %10 inguru ospitalera iritsi aurretiko okerreko arretaren ondorioz gertatzen dira. Ez kendu kaskoa motozaleei. Lehen sorospenak egiten ez badakizu, ez esku hartu. Biktimei hitz egin, haiek lasaitzeko.